ಬೇಕಾಗುವ ಪದಾರ್ಥಗಳು:

ಪುಡಿ ಮಾಡಿಕೊಳ್ಳಲು-
ಅಕ್ಕಿ ಹಿಟ್ಟು-೧ ಕಪ್
ಚಿರೋಟಿ ರವೆ-ಕಾಲು ಕಪ್
ಕೊಬ್ಬರಿ ತುರಿ-ಕಾಲು ಕಪ್
ಮೈದಾ ಹಿಟ್ಟು-ಕಾಲು ಕಪ್
ಕರಿಬೇವು-೬-೭ ಕಡ್ಡಿ
ಕೆಂಪು ಮೆಣಸಿನ ಕಾಯಿ ಪುಡಿ-೪ ರಿಂದ ೬ ಚಮಚ (ಹೆಚ್ಚು ಖಾರ ಇಷ್ಟ ಪಡುವವರು ಇನ್ನೆರಡು ಚಮಚ ಸೇರಿಸಿಕೊಳ್ಳಬಹುದು)
ಜೀರಿಗೆ-೨ ಚಮಚ
ಎಣ್ಣೆ-೧/೪ ಕಪ್ (ಹಿಟ್ಟು ಮಾಡಿಕೊಳ್ಳಲು)
ಎಣ್ಣೆ-ಅರ್ಧ ಲೀಟರ್ (ಕರಿಯಲು)
ಉಪ್ಪು-ರುಚಿಗೆ ತಕ್ಕಷ್ಟು
ಇಂಗು-ಒಂದು ಚಿಟಿಕೆ

ಕೋಡುಬಳೆ

ಶ್ರೀಮತಿ ಪೂರ್ಣಿಮಾ ಸತ್ಯ

ವಿಧಾನ:

ಕೊಬ್ಬರಿ ತುರಿ ಹಾಗು ಕರಿಬೇವನ್ನು ಬಾಣಲೆಯಲ್ಲಿ ಬೆಚ್ಚಗೆ ಮಾಡಿಕೊಂಡು, ಮಿಕ್ಸಿಯಲ್ಲಿ ಪುಡಿ ಮಾಡಿಟ್ಟುಕೊಳ್ಳಿ.
ಅಕ್ಕಿ ಹಿಟ್ಟು, ಚಿರೋಟಿ ರವೆ, ಮೈದಾ ಹಿಟ್ಟು, ಜೀರಿಗೆ, ಕೆಂಪು ಮೆಣಸಿನ ಪುಡಿ, ಉಪ್ಪು, ಇಂಗು, ಕೊಬ್ಬರಿ-ಕರಿಬೇವು ಪುಡಿ ಇವಿಷ್ಟನ್ನೂ ಒಂದು ಅಗಲ ಬಾಯಿಯ ಪಾತ್ರೆಯಲ್ಲಿ ಹಾಕಿಟ್ಟುಕೊಳ್ಳಿ.
ಕಾಲು ಕಪ್ ಎಣ್ಣೆಯನ್ನು ಚನ್ನಾಗಿ ಬಿಸಿ ಮಾಡಿಕೊಂಡು ಅದನ್ನು ಈ ಹಿಟ್ಟುಗಳ ಪಾತ್ರೆಗೆ ಹಾಕಿ, ಅದನ್ನು ಚನ್ನಾಗಿ ಚಪಾತಿ ಹಿಟ್ಟಿನ ಹದಕ್ಕೆ ನಾದಿ, ಕಲೆಸಿಕೊಳ್ಳಿ.
ಕಲೆಸಿದ ಈ ಹಿಟ್ಟನ್ನು ಪಾತ್ರೆಯೊಳಗೆ ಇಟ್ಟು, ಪಾತ್ರೆಯ ಮೇಲೆ ಮುಚ್ಚಳ ಮುಚ್ಚಿ ಅರ್ಧ ಗಂಟೆ ನೆನೆಯಲು ಬಿಡಿ.
ಅರ್ಧ ಗಂಟೆ ನಂತರ ಮತ್ತೆ ಹಿಟ್ಟನ್ನು ಚನ್ನಾಗಿ ನಾದಿ, ನಿಂಬೆ ಹಣ್ಣಿನ ಗಾತ್ರದ ಪುಟ್ಟ ಉಂಡೆಗಳನ್ನು ಮಾಡಿಕೊಂಡು ಅದನ್ನು ಬಳೆಯ ಆಕಾರದಲ್ಲಿ ಸುತ್ತಿಟ್ಟುಕೊಳ್ಳಿ.
ಇಷ್ಟರಲ್ಲೇ ಅರ್ಧ ಲೀಟರ್ ಎಣ್ಣೆಯನ್ನು ಬಾಣಲೆಗೆ ಹಾಕಿ ಚನ್ನಾಗಿ ಬಿಸಿ ಮಾಡಿಕೊಳ್ಳಿ. ಅದು ಬಿಸಿಯಾದ ನಂತರ ಒಲೆಯ ಉರಿಯನ್ನು ಸ್ವಲ್ಪ ಕಮ್ಮಿ ಮಾಡಿಕೊಂಡು ಹಿಟ್ಟಿನ ಬಳೆಗಳನ್ನು ಹಾಕಿ ಎಣ್ಣೆಯಲ್ಲಿ ಕೆಂಪಗೆ ಕರಿಯಿರಿ