ಶ್ರೀಮತಿ ದಮಯಂತಿ

• ಮಸಾಲೆಯ ಎಲ್ಲಾ ಪದಾರ್ಥಗಳನ್ನೂ ಸಣ್ಣಗೆ ರುಬ್ಬಿಟ್ಟುಕೊಳ್ಳಿ.
• ಅಗಲ ಬಾಯಿ ಮತ್ತು ದಪ್ಪ ತಳದ ಪಾತ್ರೆಯೊಂದನ್ನು ಒಲೆಯ ಮೇಲಿಟ್ಟು ಎಣ್ಣೆ ಹಾಕಿ ಬಿಸಿಮಾಡಿ. ಎಣ್ಣೆ ಕಾದಾಗ ಸಾಸಿವೆ, ಕರಿಬೇವು ಒಗ್ಗರಣೆ ಹಾಕಿ ಅದಕ್ಕೆ ಮೊಳಕೆಕಾಳನ್ನು ಹಾಕಿ ಸ್ವಲ್ಪ ಹೊತ್ತು ಹುರಿಯಿರಿ. (ಹುರಿಯುವಾಗ ಮರದ ಸೌಟು ಬಳಸಿ. ಮೊನಚಾದ ಸೌಟು ಬಳಸಿದರೆ ಮೊಳಕೆಕಾಳುಗಳು ಕಲೆಸಿ ಹೋಗುತ್ತವೆ).
• ಕಾಳು ಸ್ವಲ್ಪ ಮೆತ್ತಗೆ ಆದ ಮೇಲೆ ಅದಕ್ಕೆ ರುಬ್ಬಿಟ್ಟುಕೊಂಡ ಮಸಾಲೆ ಸೇರಿಸಿ, ಬೆರೆಸಿ.
• ನಂತರ ಅದಕ್ಕೆ ಟೊಮ್ಯಾಟೋ, ಬದನೆಕಾಯಿ ಮತ್ತು ಆಲೂಗಡ್ಡೆಯ ಚೂರುಗಳನ್ನು ಸೇರಿಸಿ ಸರಿಯಾಗಿ ಕಲೆಸಿ.
• ಇದಕ್ಕೆ ೧ ಕಪ್ ನೀರು ಹಾಕಿ (ತುಂಬ ಗಟ್ಟಿಯಿದ್ದರೆ ಮತ್ತಷ್ಟು ನೀರು ಹಾಕಿ), ಪಾತ್ರೆಯನ್ನು ಒಂದು ತಟ್ಟೆಯಿಂದ ಮುಚ್ಚಿ ಸ್ವಲ್ಪ ಹೊತ್ತು ಕುದಿಯಲು ಬಿಡಿ.
• ಚನ್ನಾಗಿ ಕುದಿದ ಮೇಲೆ ಉಪ್ಪು ಸೇರಿಸಿ ಮತ್ತಷ್ಟು ಕುದಿಸಿ.
• ಬಯಲುಸೀಮೆಯ ಒಕ್ಕಲು ಮನೆಗಳಲ್ಲಿ ವಿಶೇಷವಾಗಿ ತಯಾರಾಗುವ ಈ ರುಚಿಕರ ಸಾರನ್ನು ಮುದ್ದೆಯ ಜೊತೆ ಸವಿಯಲಾಗುತ್ತದೆ. ಇದನ್ನು ಚಪಾತಿ, ಕಿನ್ವಾ ಜೊತೆಯಲ್ಲೂ ಬಳಸಬಹುದು.