ಬೇಕಾಗುವ ಪದಾರ್ಥಗಳು:

ಎಳೆಯ ಹಲಸಿನಕಾಯಿ-ಒಂದು

ಕೆಂಪು ಮೆಣಸಿನಕಾಯಿ-೨೫

ಅಕ್ಕಿ-ಒಂದು ಕಪ್

ಕೊತ್ತಂಬರಿ ಬೀಜ (ಧನಿಯಾ)-ಒಂದು ಟೇಬಲ್ ಚಮಚ

ಇಂಗು-ಒಂದು ಕಡಲೆ ಕಾಳಿನಷ್ಟು

ಹುಣಸೆ ಹುಳಿ-ಕಾಲು ಟೀ ಚಮಚ

ಉಪ್ಪು-ರುಚಿಗೆ ಬೇಕಾದಷ್ಟು

ಎಣ್ಣೆ-ಅರ್ಧ ಲೀಟರ್

ವಿ.ಸೂ-ಕರಿಯಲು ಉಪಯೋಗಿಸುವ ಹಲಸಿನ ಕಾಯಿ ತುಂಬಾ ಎಳತಾಗಿರಬಾರದು. ಒಳಗಡೆ ಸ್ವಲ್ಪವಾದರೂ ಬೀಜ ಬೆಳೆದಿರಬೇಕು. ಒಂದು ಪುಟ್ಟ ಹಲಸಿನ ಕಾಯಿಯಲ್ಲಿ ೨೫-೩೦ ಹೋಳುಗಳಾದರೂ ಆಗುತ್ತವೆ.

ಬಗೆ ೧

ಎಳತು ಹಲಸಿನಕಾಯಿಯ ಪೋಡಿ

ಶ್ರೀಮತಿ ವೀಣಾ ಕಾಮತ್, ಮಂಗಳೂರು

ವಿಧಾನ:

ಮೊದಲು ಅಕ್ಕಿಯನ್ನು ಅರ್ಧಗಂಟೆ ನೀರಿನಲ್ಲಿ ನೆನೆಸಿಟ್ಟುಕೊಳ್ಳಬೇಕು.
ಹಲಸಿನ ಕಾಯಿಯ ಮೇಲಿನ ಮುಳ್ಳು ಸಿಪ್ಪೆಯನ್ನು ಹೆರೆದು ಅದನ್ನು ೩-೪ ಇಂಚು ಅಗಲದ ತೆಳುವಾದ ಹೋಳುಗಳಾಗಿ ಹೆಚ್ಚಿಟ್ಟುಕೊಳ್ಳಬೇಕು.
ಮಿಕ್ಸಿಯಲ್ಲಿ ಕೆಂಪು ಮೆಣಸಿನಕಾಯಿ, ಕೊತ್ತಂಬರಿ ಬೀಜ, ಇಂಗು, ಹುಳಿ, ಉಪ್ಪು ಹಾಕಿ ಒಮ್ಮೆ ಸ್ವಲ್ಪ ಹುಡಿ ಮಾಡಿಕೊಳ್ಳಬೇಕು.
ನಂತರ ನೆನೆಸಿಟ್ಟ ಅಕ್ಕಿಯನ್ನು ಬಸಿದಿಟ್ಟುಕೊಂಡು, ಮೇಲೆ ತಿಳಿಸಿದ ಮಸಾಲೆಗಳ ಮಿಶ್ರಣಕ್ಕೆ ತೊಳೆದ ಅಕ್ಕಿ ಮತ್ತು ಸ್ವಲ್ಪ ನೀರನ್ನು ಸೇರಿಸಿ ಹಾಕಿ ಪೇಸ್ಟಿನ ಥರ ಕಡೆದು (ರುಬ್ಬಿ) ಕೊಳ್ಳಬೇಕು.
ಹೀಗೆ ರುಬ್ಬುವ ಮಸಾಲೆ ಅತಿಯಾಗಿ ನಯವಾಗದೆ ಸ್ವಲ್ಪ ತರಿತರಿಯಾಗಿರಬೇಕು. ಮಸಾಲೆ ಜಾಸ್ತಿ ನೀರಾಗಿಯೂ ಇರಬಾರದು.
ಈ ಮಸಾಲೆಯನ್ನು ಹಲಸಿನ ಕಾಯಿಯ ಹೋಳುಗಳಿಗೆ ಚನ್ನಾಗಿ ಬೆರೆಸಿ ಹಚ್ಚಿಡಬೇಕು.
ಅಗಲ ಬಾಯಿಯ ಕಾವಲಿಯಲ್ಲಿ ಎಣ್ಣೆ ಇಟ್ಟು, ಎಣ್ಣೆ ಹದವಾಗಿ ಬಿಸಿಯಾದ ಮೇಲೆ ಮಸಾಲೆ ಹಚ್ಚಿದ ಹಲಸಿನ ಹೋಳುಗಳನ್ನು ಎಣ್ಣೆಗೆ ಬಿಟ್ಟು ಚನ್ನಾಗಿ ಕರಿದು ತೆಗೆಯಬೇಕು.
ಗರಿಗರಿಯಾದ ಪೋಡಿಯನ್ನು ವಡೆ ಬಜ್ಜಿಗಳಂತೆ ತಿನ್ನಬಹುದು.

ಬಗೆ ೨

ವಿಶ್ವದೆಲ್ಲೆಡೆಯ ಅಡುಗೆ-ತಿನಿಸುಗಳ ಹಾಗೂ ನಮ್ಮ ನಿಮ್ಮ ಪಾಕ ಪ್ರಯೋಗ ಶಾಲೆಗಳಲ್ಲಿ ಹುಟ್ಟುವ ಹೊಸ ರುಚಿಗಳ ವಿನಿಮಯ.

ಬೇಕಾಗುವ ಪದಾರ್ಥಗಳು:

ಕೋಳಿ-ಅರ್ಧ ಕೆಜಿ (ಚರ್ಮ ಮತ್ತು ಮೂಳೆ ಇಲ್ಲದ್ದು)

ಬ್ರಾಕ್ಲಿ ಫ್ಲೋರೆಟ್ಸ್-ಒಂದು ಬಟ್ಟಲು

ಆಸ್ಪರಾಗಸ್ ಚಿಗುರುಗಳು-ಒಂದು ಬಟ್ಟಲು

ಬೆಳ್ಳುಳ್ಳಿ-೩೦ ಹಿಕಳು (ದೊಡ್ಡವು)

ಕೆಂಪು ಮೆಣಸಿನಕಾಯಿ-೩೫

ಸೋಯಾ ಸಾಸ್-೨ ಟೇಬಲ್ ಚಮಚ

ಸಕ್ಕರೆ-ಒಂದು ಟೀ ಚಮಚ

ಬಿಳಿ ಎಳ್ಳು-ಅರ್ಧ ಟೀ ಚಮಚ

ಅಡಿಗೆ ಎಣ್ಣೆ-ಒಂದು ಟೇಬಲ್ ಚಮಚ

ವಿ.ಸೂ-ಹೆಚ್ಚು ಖಾರ ಇಷ್ಟ ಪಡುವವರು ಇನ್ನಷ್ಟು ಕೆಂಪು ಮೆಣಸಿನ ಕಾಯಿಯನ್ನು ಬಳಸಬಹುದು.

ಬಗೆ ೨

ಬ್ರಾಕ್ಲಿಯೊಂದಿಗಿನ ಬೆಳ್ಳುಳ್ಳಿ ಚಿಕನ್

(ಮೂಲ: ಥಾಯಿಲ್ಯಾಂಡ್)

ವಿಧಾನ:

ಕೋಳಿಯನ್ನು ಸಣ್ಣ ಸಣ್ಣ ಕ್ಯೂಬ್ ಗಳಾಗಿ ಕತ್ತರಿಸಿಕೊಳ್ಳಿ.
ಬೆಳ್ಳುಳ್ಳಿ ಹಿಕಳುಗಳ ಸಿಪ್ಪೆ ಬಿಡಿಸಿ, ಬಹಳ ಸಣ್ಣ ಸಣ್ಣ ಚೂರುಗಳಾಗಿ ಹೆಚ್ಚಿಟ್ಟುಕೊಳ್ಳಿ.
ಕೆಂಪು ಮೆಣಸಿನಕಾಯಿಯನ್ನು ಮಿಕ್ಸಿ ಅಥವಾ ಡ್ರೈ ಗ್ರೈಂಡರ್ ಗೆ ಹಾಕಿ ತರಿ ತರಿ ಪುಡಿ ಮಾಡಿಕೊಳ್ಳಿ.
ಬ್ರಾಕ್ಲಿ ಮತ್ತು ಆಸ್ಪರಾಗಸ್ ಅನ್ನು ಮೈಕ್ರೋವೇವ್ ನಲ್ಲಿಟ್ಟು ೨-೩ ನಿಮಿಷ (ಕುರುಮ್ ಕುರುಮ್) ಇರುವಂತೆಯೇ ಬೇಯಿಸಿಕೊಳ್ಳಿ. ಕುಕ್ಕರಿನಲ್ಲಾದರೂ ೨-೩ ನಿಮಿಷ ಬೇಯಿಸಿಕೊಳ್ಳಿ.ಈ ಎರಡೂ ತರಕಾರಿಗಳಿಗೆ ಬೇಯಲು ಹೆಚ್ಚು ಸಮಯ ಬೇಕಾಗುವುದಿಲ್ಲ.

ಅಗಲ ಬಾಯಿಯ ವೋಕ್ ಮಾದರಿಯ ಬಾಣಲೆಗೆ ಎಣ್ಣೆ ಹಾಕಿ, ಅದನ್ನು ಹೆಚ್ಚಿನ ಉರಿಯಲ್ಲಿ ಒಲೆಯ ಮೇಲಿಡಿ.
ಎಣ್ಣೆ ಕಾಯುತ್ತಿದ್ದಂತೆಯೇ ಹೆಚ್ಚಿಟ್ಟುಕೊಂಡ ಬೆಳ್ಳುಳ್ಳಿ ಮತ್ತಿ ತರಿ ತರಿ ಕೆಂಪುಮೆಣಸಿನಕಾಯಿಯ ಪುಡಿಯನ್ನು ಎಣ್ಣೆಗೆ ಹಾಕಿ.
ಅರ್ಧ ನಿಮಿಷ ಅದನ್ನು ಅಲ್ಲಾಡಿಸಿ.
ತಕ್ಷಣ ಕೊಳಿಯ ಚೂರುಗಳನ್ನು ಸೇರಿಸಿ.
ಹೆಚ್ಚಿನ ಉರಿಯಲ್ಲೇ ಬೆಳ್ಳುಳ್ಳಿ, ಕೆಂಪು ಮೆಣಸು ಮತ್ತು ಎಣ್ಣೆಯಲ್ಲಿ ಕೋಳಿಯನ್ನು ಹುರಿದುಕೊಳ್ಳಿ.
ಕೋಳಿಯ ಚೂರುಗಳು ಸಣ್ಣದ್ದಾಗಿರುವುದರಿಂದ ಐದು ನಿಮಿಷದಲ್ಲಿ ಕೋಳಿ ಬೇಯುತ್ತದೆ.
ಕೋಳಿಗೆ ಸೋಯಾ ಸಾಸ್ ಮತ್ತು ಸಕ್ಕರೆ ಸೇರಿಸಿ ಮತ್ತೆ ಹುರಿಯಿರಿ. ತಳ ಹತ್ತದಂತೆ ನೋಡಿಕೊಳ್ಳುತ್ತಿರಿ.
ಮತ್ತೆ ಇದಕ್ಕೆ ಈಗಾಗಲೇ ಬೆಂದ ಬ್ರಾಕ್ಲಿ ಮತ್ತು ಆಸ್ಪರಾಗಸ್ ಚೂರುಗಳನ್ನು ಸೇರಿಸಿ ೨ ನಿಮಿಷ ಹುರಿಯಿರಿ.
ಎಳ್ಳು ಸೇರಿಸಿ, ಬೆರೆಸಿ, ಒಲೆ ಆರಿಸಿ.
ಬಿಸಿ ಬಿಸಿ ಇರುವಾಗಲೇ ಅನ್ನ, ಚಪಾತಿಯೊಟ್ಟಿಗೆ ಅಥವಾ ಪ್ರತ್ಯೇಕ ಖಾದ್ಯವಾಗಿ ಸೇವಿಸಿ.
(ಈ ಖಾದ್ಯ ೮ ರಿಂದ ೧೦ ನಿಮಿಷದಲ್ಲಿ ತಯಾರಾಗುತ್ತದೆ. ಇದನ್ನು ಹೆಚ್ಚು ಉರಿಯಲ್ಲಿಯೇ ತಯಾರಿಸಬೇಕು ಹಾಗೂ ಬಿಸಿ ಇರುವಂತೆಯೇ ಸೇವಿಸಬೇಕು).