ನೀವು ಬೀಚಿನಲ್ಲೋ, ರೆಸಾರ್ಟುಗಳಲ್ಲೋ, ಪಾರ್ಟಿಗಳಲ್ಲೋ, ಬೆಚ್ಚಗೆ ನಿಮ್ಮ ಮನೆಗಳಲ್ಲೋ ಅಥವಾ ಇನ್ನೆಲ್ಲೋ ಜಾಲಿಯಾಗಿ ಹೊಸವರ್ಷವನ್ನು ಬರಮಾಡಿಕೊಳ್ಳುತ್ತಿದ್ದಾಗ ಚಂಡಮಾರುತ ಥೇನ್ ತಮಿಳುನಾಡಿನ ತುದಿಯನ್ನು ಅಪ್ಪಳಿಸಿ ಹೋಗಿದೆ. ಕಡಲ ತೀರದ ಜನ ಜೀವ-ಸೂರು ಕಳೆದುಕೊಂಡಿದ್ದಾರೆ. ಮೀನುಗಾರರು ದೋಣಿ ಕಳೆದುಕೊಂಡಿದ್ದಾರೆ. ಬಡವರೆನಿಸಿಕೊಳ್ಳುವವರಿಗೆ ಕಳೆದುಕೊಳ್ಳುವುದೇ ಬದುಕಾಗಿಬಿಡುತ್ತಿದೆ.

 

ಸರ್ಕಾರ ಯೋಜನೆ ಮಾಡಬಹುದು. ಫೈಲು ತಯಾರು ಮಾಡಬಹುದು. ತಕ್ಷಣ ಮನಸ್ಸು ಮಾಡಲಾರದು. ಇದ್ದರೆ ತಾನೇ ಮಾಡುವುದು! ಆದರೆ ಮನಸು ನಿಮಗಿದೆ. ನಿಮ್ಮನೆಗಳಲ್ಲಿ ಹೆಚ್ಚಾಗಿರುವ ಹೊದಿಕೆ, ಬಟ್ಟೆ, ಪಾತ್ರೆ ಪಗಡಿಗಳನ್ನು, ನಿಮಗೆ ಸಾಧ್ಯವಾದರೆ ದವಸ-ಧನ ಸಹಾಯವನ್ನು ಪ್ಲೀಸ್ ನೆರವು ಬೇಕಾದಲ್ಲಿಗೆ ಕಳಿಸಿಕೊಡಿ. ಸುರಕ್ಷಿತವಾಗಿ ಅಲ್ಲಿಗೇ ತಲುಪಿಸುವವರು ನಿಮ್ಮ ಸುತ್ತಲೇ ಸಿಗುತ್ತಾರೆ. ಕರ್ನಾಟಕದಲ್ಲಿರುವ ಹೃದಯವಂತರು ನೀವೇ ಒಂದು ಸಣ್ಣ ಟ್ರಿಪ್ ಮಾಡಬಹುದು. ಹೊಸ ವರ್ಷದ ದಿನ ಪುಟ್ಟದೊಂದು ರಾಂಡೆಮ್ ಆಕ್ಟ್ ಆಫ್ ಕೈಂಡ್ನೆಸ್...ಮುಂದೊಂದು ದಿನ ಅದೂ ನಿಮ್ಮನ್ನು ಕಾಯಲಿ...