ಅಂಗಳ

ಬಗೆ ಬಗೆ

ಬೇಕಾಗುವ ಪದಾರ್ಥಗಳು:

ಬಿಳಿ ಎಳ್ಳು: ಎರಡು ಕಪ್

ಬೆಲ್ಲ: ಒಂದುವರೆ ಅಚ್ಚು

ಕಡಲೆ ಬೀಜ: ಒಂದು ಕಪ್

ಹುರಿಗಡಲೆ: ಅರ್ಧ ಕಪ್

ಒಣ ಕೊಬರಿ: ಅರ್ಧ ಹೋಳು

ಜೀರಿಗೆ ಪೆಪ್ಪರಮೆಂಟು ಅಥವಾ ರೇನ್ ಬೋ ಮಿಕ್ಸ್: ಒಂದು ಟೇಬಲ್ ಸ್ಪೂನ್

ಸಕ್ಕರೆ ಅಚ್ಚು

ಸಕ್ಕರೆ-ಅರ್ಧ ಕಪ್

ನೀರು-ಕಾಲು ಕಪ್

ಹಾಲು-ಕಾಲು ಕಪ್

ಫುಡ್ ಕಲರ್-ನಿಮಗಿಷ್ಟವಾಗುವುದು (ಹಾಕದೆಯೂ ಇರಬಹುದು)

ಬಗೆ-೧

ಎಳ್ಳು ಮತ್ತು ಸಕ್ಕರೆ ಅಚ್ಚು

ಶ್ರೀಮತಿ ಎಚ್. ಕೆ.

ವಿಧಾನ:

ವಿಧಾನ:
ಬಿಳಿ ಎಳ್ಳನ್ನು ಕಡಿಮೆ ಉರಿಯಲ್ಲಿ ಬಣ್ಣಗೆಡದಂತೆ ಸ್ವಲ್ಪವೇ ಹುರಿದುಕೊಳ್ಳಿ.
ಬೆಲ್ಲದ ಅಚ್ಚನ್ನು ಪುಟ್ಟಪುಟ್ಟದಾಗಿ ಹೆಚ್ಚಿಟ್ಟುಕೊಳ್ಳಿ.
ಕಡಲೇಬೀಜವನ್ನು ಸ್ವಲ್ಪ ಹುರಿದು, ಸಿಪ್ಪೆ ತೆಗೆದು, ಒಡೆದುಕೊಳ್ಳಿ
ಹುರಿಗಡಲೆಯನ್ನು ಬಾಣಲೆಯಲ್ಲಿ ಸ್ವಲ್ಪವೇ ಬೆಚ್ಚಗೆ ಮಾಡಿಕೊಳ್ಳಿ
ಒಣಕೊಬರಿಯನ್ನು ಬೆಲ್ಲದಂತೆಯೇ ಚೂರು ಮಾಡಿಕೊಳ್ಳಿ.
ಎಲ್ಲವನ್ನೂ ಪ್ರತ್ಯೇಕವಾಗಿಟ್ಟುಕೊಂಡು ಅವು ಆರಿದ ಮೇಲೆ ಪಾತ್ರೆಯೊಂದರಲ್ಲಿ ಎಲ್ಲವನ್ನೂ ಮಿಶ್ರ ಮಾಡಿ.
ಅದಕ್ಕೆ ಜೀರಿಗೆ ಪೆಪ್ಪರಮೆಂಟ್ ಅಥವಾ ರೇನ್ ಬೋ ಮಿಕ್ಸ್ ಅನ್ನು ಬೆರೆಸಿ.

ಸಕ್ಕರೆ ಅಚ್ಚು

ಸಕ್ಕರೆ ಮತ್ತು ನೀರನ್ನು ನಾನ್ ಸ್ಟಿಕ್ ಪಾತ್ರೆಯಲ್ಲಿ ತೆಗೆದುಕೊಂಡು ಮೀಡಿಯಂ ಹೀಟ್ ನಲ್ಲಿ ಕುದಿಸಿಕೊಳ್ಳಿ.
ಸಕ್ಕರೆ ಗುಳ್ಳೆಗುಳ್ಳೆಯಾಗುವಂತಾದಾಗ ಅದಕ್ಕೆ ಅರ್ಧದಷ್ಟು ಹಾಲನ್ನು ಹಾಕಿ ನಿಧಾನಕ್ಕೆ ಕಲಕಿ.
ಈ ಮಿಶ್ರಣವು ನೊರೆನೊರೆಯಾಗುತ್ತಾ (froth) ಬರುತ್ತದೆ.
ಈ ಸಮಯದಲ್ಲಿ ಮಿಶ್ರಣವನ್ನು ಹೀಟ್ ನಿಂದ ತೆಗೆದು ಸಣ್ಣದೊಂದು ಜಾಲರಿ ಉಪಯೋಗಿಸಿ ಬೇರೊಂದು ಪಾತ್ರೆಗೆ ಸೋಸಿಕೊಳ್ಳಿ. ಹೀಗೆ ಮಾಡುವುದರಿಂದ ಸಕ್ಕರೆಯಲ್ಲಿನ ಧೂಳನ್ನು ಸೋಸಿದಂತಾಗುತ್ತದೆ.
ಮತ್ತೆ ಮಿಶ್ರಣವನ್ನು ಅದೇ ನಾನ್ ಸ್ಟಿಕ್ ಪ್ಯಾನ್ ಗೆ ಸುರುವಿಕೊಳ್ಳಿ, ಮತ್ತೆ ಅದನ್ನು ಕುದಿಯಲು ಬಿಡಿ.
ಮತ್ತೊಮ್ಮೆ ಕುದಿ ಬಂದಾಗ ಉಳಿದ ಅರ್ಧ ಹಾಲನ್ನು ಬೆರೆಸಿ, ಮತ್ತೆ ನೊರೆಯಾಗಲು ಬಿಡಿ.
ಸೋಸುವ ಕ್ರಿಯೆಯನ್ನು ಇನ್ನೊಮ್ಮೆ ಪುನರಾವರ್ತಿಸಿ, ಮತ್ತೆ ಮಿಶ್ರಣವನ್ನು ಕುದಿಯಲು ಬಿಡಿ.
ಸಕ್ಕರೆ ಅಚ್ಚು ಮಾಡುವಾಗ ಮಿಶ್ರಣವನ್ನು ಸದಾ ಕೈಯ್ಯಾಡುತ್ತಲೇ ಇರಬೇಕು.
ಮಿಶ್ರಣ ಗಟ್ಟಿ ಮತ್ತು ಅಪಾರದರ್ಶಕವಾದಾಗ (opaque) ಅದನ್ನು ಸ್ವಲ್ಪ ತೆಗೆದುಕೊಂಡು ಸ್ವಲ್ಪ ಎಣ್ಣೆ ಹಚ್ಚಿದ ಪಾರ್ಚ್ಮೆಂಟ್ ಪೇಪರ್ ಮೇಲೆ ಹಾಕಿನೋಡಿ.
ಪೇಪರ್ ಮೇಲೆ ಹಾಕಿದ ಮಿಶ್ರಣ ತಕ್ಷಣ ಗಟ್ಟಿಯಾದರೆ ಅದು ಸರಿಯಾದ ಹದಕ್ಕೆ ಬಂದಿದೆ ಎಂದು ಅರ್ಥ.
ಈಗ ಮಿಶ್ರಣವನ್ನು ಯಾವುದೇ ನೊರೆ ಅಥವಾ ಗಾಳಿಯ ಗುಳ್ಳೆಗಳಿಲ್ಲದಂತೆ ಕೈಯ್ಯಾಡಿಸಿ.
ನಿಮಗಿಷ್ಟ ಬಂದ ಅಚ್ಚು(ಮೌಲ್ಡ್)ಗಳಿಗೆ ಸಮನಾಗಿ ತುಂಬಿಸಿ.
ಹತ್ತು-ಹದಿನೈದು ನಿಮಿಷ ಸಕ್ಕರೆಯನ್ನು ಸರಿಯಾಗಿ ಗಟ್ಟಿಯಾಗಲು ಬಿಡಿ.
ಅಚ್ಚುಗಳು ಗಟ್ಟಿಯಾದಾಗ ನಿಧಾನಕ್ಕೆ ಅವನ್ನು ಬೋರಲು ಮಾಡಿ ಸಕ್ಕರೆ ಅಚ್ಚುಗಳನ್ನು ಬಿಡಿಸಿಡಿ.

ಬಗೆ ೨

ವಿಶ್ವದೆಲ್ಲೆಡೆಯ ಅಡುಗೆ-ತಿನಿಸುಗಳ ಹಾಗೂ ನಮ್ಮ ನಿಮ್ಮ ಪಾಕ ಪ್ರಯೋಗ ಶಾಲೆಗಳಲ್ಲಿ ಹುಟ್ಟುವ ಹೊಸ ರುಚಿಗಳ ವಿನಿಮಯ.

ಬೇಕಾಗುವ ಪದಾರ್ಥಗಳು:

ಅಂಗಡಿಯಲ್ಲಿ ಸಿಗುವ ನಿಮಗಿಷ್ಟದ ಜಾಮೂನ್ ಮಿಕ್ಸ್
ಸಕ್ಕರೆ
ಕಡಿಮೆ ಸಕ್ಕರೆಯ ಚಾಕೋಲೇಟ್ ಚಿಪ್ ಗಳು
ನೀರು
ಎಣ್ಣೆ

ಚಾಕೋಲೇಟ್ ಚಿಪ್ ಜಾಮೂನು

ವಿಧಾನ:

ಮಾಮೂಲಿಯಂತೆ ಜಾಮೂನು ಮಿಕ್ಸ್ ಅನ್ನು ಬೆರೆಸಿ ಹಿಟ್ಟನ್ನು ಮೃದುವಾಗಿ ನಾದಿಕೊಳ್ಳಿ.
ಜಾಮೂನಿನ ಉಂಡೆಗಳನ್ನು ಮಾಡುವಾಗ ಪ್ರತೀ ಉಂಡೆಯ ಒಳಗೂ ಒಂದೊಂದು ಚಾಕೋಲೇಟ್ ಚಿಪ್ ಅನ್ನು ಸೇರಿಸಿ ಉಂಡೆ ಮಾಡಿ.
ಜಾಮೂನನ್ನು ಕರಿದು ಸಕ್ಕರೆ ಪಾಕಕ್ಕೆ ಹಾಕಿ.
ಪಾಕ ಹೀರಿಕೊಂಡ ಜಾಮೂನುಗಳನ್ನು ತೆಗೆದು ಕಪ್ ಕೇಕ್ ಪೇಪರ್ ಒಳಗೆ ಜೋಡಿಸಿಡಿ.
ಒಂದು ಪಾತ್ರೆಯಲ್ಲಿ ಸ್ವಲ್ಪ ನೀರನ್ನು ಕುದಿಯಲು ಇಡಿ.

ಒಂದು ಟೇಬಲ್ ಸ್ಪೂನ್ ಚಾಕೋಲೇಟ್ ಚಿಪ್ ಅನ್ನು ಒಂದು ಬಟ್ಟಲಿನಲ್ಲಿಟ್ಟು ಆ ಕುದಿಯುವ ನೀರಿನ ಮೇಲೆ ತೇಲುವಂತೆ ಹಿಡಿದುಕೊಳ್ಳಿ
ಚಾಕೋಲೇಟ್ ಚಿಪ್ ಕರಗುತ್ತಾ ಬರುತ್ತದೆ, ಅದನ್ನು ಸ್ಪೂನಿನಲ್ಲಿ ಕಲಕಿ.
ಚಾಕೋಲೇಟ್ ಚಿಪ್ ಗಟ್ಟಿಯಾದ ಸಿರಪ್ ನ ಹದಕ್ಕೆ ಬಂದಾಗ ಅದನ್ನು ಮಾಡಿಟ್ಟ ಚಾಕೋಲೇಟ್ ಚಿಪ್ ಜಾಮೂನಿನ ಮೇಲೆ ಅಲಂಕರಿಸಿ ಒಣಗಲು ಬಿಡಿ.
ಚಾಕೋಲೇಟ್ ಚಿಪ್ ಜಾಮೂನು ತಯಾರು.

ವಿ.ಸೂ: ಸಾಧಾರಣ ಚಾಕೋಲೇಟ್ ಚಿಪ್ ನಂತೆಯೇ ಡಾರ್ಕ್ ಚಾಕೋಲೇಟ್, ವೈಟ್ ಚಾಕೋಲೇಟ್ ಅಥವಾ ಬಟರ್ ಸ್ಕಾಚ್ ಚಿಪ್ ಗಳನ್ನು ಬಳಸಬಹುದು.