ಅಂಗಳ      ಬಗೆ ಬಗೆ
Print this pageAdd to Favorite

 


 ಬೇಕಾಗುವ ಪದಾರ್ಥಗಳು:
  • ಮೊಟ್ಟೆ-೪-೫
  • ಆಲೂಗಡ್ಡೆ-೧ ಅಥವ ೨ (ಬೇಕಿದ್ದಲ್ಲಿ ಮಾತ್ರ)
  • ಎಣ್ಣೆ-೨ ಟೇಬಲ್ ಸೂನ್
  • ಸಾಸಿವೆ-೧/೪ ಸ್ಪೂನ್
  • ಕರಿಬೇವು-೨ ಕಡ್ಡಿ

ಮಸಾಲೆಗೆ:

  • ಈರುಳ್ಳಿ-೩/೪ (ಸಣ್ಣದು)
  • ಟೊಮ್ಯಾಟೋ-೧
  • ಬೆಳ್ಳುಳ್ಳಿ-೩-೪ ಹಿಕಳು
  • ಶುಂಟಿ-೧/೨ ಇಂಚು
  • ಅರಿಶಿನ-ಒಂದು ಚಿಟಿಕೆ
  • ಅಚ್ಚಮೆಣಸಿನಕಾಯಿಪುಡಿ-೧ ಟೀ ಸ್ಪೂನ್ ಅಥವಾ ಖಾರ ಬೇಕಾದಷ್ಟು
  • ಕೊತ್ತಂಬರಿ ಬೀಜ-೧ ಟೇಬಲ್ ಸ್ಪೂನ್
  • ಜೀರಿಗೆ-೧ ಟೀ ಸ್ಪೂನ್
  • ಕಾಳು ಮೆಣಸು-೧೦ ಕಾಳು
  • ತೆಂಗಿನ ತುರಿ-೧/೨ ಕಪ್ (ಒಣ ಕೊಬರಿ ತುರಿಯೂ ಆಗಬಹುದು)
  • ಚಕ್ಕೆ-೧ ಇಂಚು
  • ಲವಂಗ-೨-೩
  • ಗಸಗಸೆ-೧ ಟೀ ಸ್ಪೂನ್
  • ಕೊತ್ತಂಬರಿ ಸೊಪ್ಪು-೨ ಟೀ ಸ್ಪೂನ್ (ಸಣ್ಣಗೆ ಹೆಚ್ಚಿದ್ದು) 
 
 

 

 
 

 

ಬಗೆ-೧
ಮೊಟ್ಟೆ ಸಾರು
 
 
 
ಶ್ರೀಮತಿ ಶ್ವೇತಾ ಧರಣೇಶ್
ವಿಧಾನ:
  • ಮೊಟ್ಟೆಗಳನ್ನು ಬೇಯಿಸಿ ಇಟ್ಟುಕೊಳ್ಳಿ.
  • ಕೊತ್ತಂಬರಿ ಬೀಜ, ಜೀರಿಗೆ, ಗಸಗಸೆ, ಕಾಳು ಮೆಣಸು, ಚಕ್ಕೆ ಮತ್ತು ಲವಂಗವನ್ನು ಎಣ್ಣೆ ಹಾಕದೆಯೇ ಬಾಣಲಿಯಲ್ಲಿ ಬೆಚ್ಚಗೆ ಹುರಿದುಕೊಳ್ಳಿ
  • ಹುರಿದ ಪದಾರ್ಥಗಳ ಜೊತೆ ತೆಂಗಿನ ತುರಿ ಸೇರಿಸಿ, ಕಡಿಮೆ ನೀರು ಹಾಕಿ ಸಣ್ಣಗೆ ರುಬ್ಬಿಕೊಳ್ಳಿ.
  • ಪ್ಯಾನ್ ಒಂದನ್ನು ಬಿಸಿಗಿಟ್ಟು, ಎಣ್ಣೆ ಹಾಕಿ, ಸಾಸಿವೆ, ಕರಿಬೇವು ಹಾಕಿ ಒಗ್ಗರಿಸಿಕೊಳ್ಳಿ. ಇದಕ್ಕೆ ರುಬ್ಬಿದ ಮಸಾಲೆ, ಅರಿಶಿನ ಮತ್ತು ಉಪ್ಪು ಹಾಕಿ ಮಿಶ್ರ ಮಾಡಿ. ಸ್ವಲ್ಪ ಬೇಯಲು ಬಿಡಿ.
  • ಇದಕ್ಕೆ ಹೆಚ್ಚಿದ ಆಲೂಗಡ್ಡೆ ಹಾಕಿ ೧೦ -೧೨ ನಿಮಿಷ ಬೇಯಿಸಿ. (ಅಲೂ ಸಂಪೂರ್ಣ ಬೇಯಬೇಕು ಮತ್ತು ಮಸಾಲೆಯ ಹಸಿ ವಾಸನೆ ಹೋಗಬೇಕು).
  • ಇದಕ್ಕೆ ಬೇಯಿಸಿ ಸಿಪ್ಪೆ ತೆಗೆದಿಟ್ಟುಕೊಂಡ ಮೊಟ್ಟೆಗಳನ್ನು ಅರ್ಧ ಭಾಗಕ್ಕೆ ಕತ್ತರಿಸಿ ಸೇರಿಸಿ, ೨-೩ ನಿಮಿಷ ಬೇಯಿಸಬೇಕು.
  • ಹೆಚ್ಚಿದ ಕೊತ್ತಂಬರಿ ಸೊಪ್ಪಿನಿಂದ ಗಾರ್ನಿಶ್ ಮಾಡಿ. ಅನ್ನ, ಚಪಾತಿ ಅಥವಾ ಘೀ ರೈಸ್ ಜೊತೆಯಲ್ಲಿ ತಿನ್ನಬಹುದು.

 





ಬಗೆ ೨
ವಿಶ್ವದೆಲ್ಲೆಡೆಯ ಅಡುಗೆ-ತಿನಿಸುಗಳ ಹಾಗೂ ನಮ್ಮ ನಿಮ್ಮ ಪಾಕ ಪ್ರಯೋಗ ಶಾಲೆಗಳಲ್ಲಿ ಹುಟ್ಟುವ ಹೊಸ ರುಚಿಗಳ ವಿನಿಮಯ.
 
 ಬೇಕಾಗುವ ಪದಾರ್ಥಗಳು:
  • ಕಿನ್ವಾ-೨ ಸಣ್ಣ ಬಟ್ಟಲು (ಅಳತೆಗೆ ಒಂದೇ ಬಟ್ಟಲನ್ನು ಉಪಯೋಗಿಸಿ)
  • ಕಾಡಕ್ಕಿ-೧ ಸಣ್ಣ ಬಟ್ಟಲು
  • ಅಮರಾಂತ-೧ ಸಣ್ಣ ಬಟ್ಟಲು
  • ಚಿಯಾ-೧/೨ ಬಟ್ಟಲು
  • ಹೆಸರು ಬೇಳೆ-೧ ಬಟ್ಟಲು
  • ಶುಂಟಿ-ಅರ್ಧ ಇಂಚು
  • ಬೆಳ್ಳುಳ್ಳಿ-೨ ಮೊಗ್ಗು ಮೀಡಿಯಂ ಗಾತ್ರದ್ದು
  • ಜೀರಿಗೆ ಪುಡಿ- ೧/೨ ಟೀ ಸ್ಪೂನ್
  • ಬಡೇ ಸೋಂಪು- ೧/೪ ಟೀ ಸ್ಪೂನ್
  • ಕಾಳು ಮೆಣಸಿನ ಪುಡಿ- ೧/೨ ಟೀ ಸ್ಪೂನ್
  • ಅರಿಶಿನ-೧/೪ ಟೀ ಸ್ಪೂನ್
  • ಕೆಂಪುಮೆಣಸಿನಕಾಯಿ-೩ ರಿಂದ ೪ (ಹೆಚ್ಚು
  • ಖಾರ ಬೇಕಾದಲ್ಲಿ ೧ ಹಸಿಮೆಣಸಿನಕಾಯಿಯನ್ನು ಸೀಳಿ ಬಳಸಿ)
  • ಇಂಗು-೧ ಚಿಟಿಕೆ
  • ಸಾಸಿವೆ-೧/೪ ಟೀ ಸ್ಪೂನ್
  • ಆಲಿವ್ ಎಣ್ಣೆ ಅಥವಾ ತುಪ್ಪ-೧ ಟೇಬಲ್ ಸ್ಪೂನ್
  • ಉಪ್ಪು-ರುಚಿಗೆ ಬೇಕಾದಷ್ಟು
  • ಕರಿಬೇವು-೨ ಕಡ್ಡಿ
  • ಕೊತ್ತಂಬರಿ-ಅರ್ಧ ಕಟ್ಟು


 

 

 

 
 
 

 

ಕಿನ್ವಾ ಮತ್ತು ಕಾಡಕ್ಕಿ (ವೈಲ್ಡ್ ರೈಸ್) ಕಿಚಡಿ
 
 

ವಿಧಾನ:
  • ಚಿಯಾ, ಕಿನ್ವಾ ಮತ್ತು ಅಮರಾಂತ ಧಾನ್ಯಗಳನ್ನು ನೀರಿಗೆ ಹಾಕಿ ತೊಳೆಯಲು ಸುಲಭವಾಗುವುದಿಲ್ಲ. ಹಾಗಾಗಿ ಅವನ್ನು ಸೋಸಿ, ಸ್ವಚ್ಚ ಮಾಡಿಟ್ಟುಕೊಳ್ಳಿ. ವೈಲ್ಡ್ ರೈಸ್ ಅನ್ನು ಚನ್ನಾಗಿ ತೊಳೆಯಿರಿ.
  • ಪ್ರೆಶರ್ ಕುಕ್ಕರ್ ಪ್ಯಾನ್ ಅನ್ನು ಸ್ಟವ್ ಮೇಲಿಟ್ಟು ಎಣ್ಣೆ ಅಥವಾ ತುಪ್ಪ ಹಾಕಿ ಬಿಸಿಯಾಗಲು ಬಿಡಿ.
  • ಬಿಸಿಯಾದನಂತರ ಸಾಸಿವೆ ಹಾಕಿ ಸಿಡಿಸಿಕೊಳ್ಳಿ. ಕರಿಬೇವು, ಕೆಂಪುಮೆಣಸಿನಕಾಯಿ ಮತ್ತು ಇಂಗು ಹಾಕಿ ಮಿಕ್ಸ್ ಮಾಡಿ.
  • ಸ್ಟವ್ ನ ಉರಿಯನ್ನು ಕಡಿಮೆ ಮಾಡಿಕೊಂಡು ಪ್ಯಾನ್ ಗೆ ಜೀರಿಗೆ ಪುಡಿ, ಮೆಣಸಿನ ಪುಡಿ, ಸೋಂಪನ್ನು ಹಾಕಿ ಮಿಶ್ರ ಮಾಡಿ.
  • ಅದು ಹುರಿಯುತ್ತಿರುವಂತೆಯೇ ಜಜ್ಜಿಟ್ಟ ಶುಂಟಿ-ಬೆಳ್ಳುಳ್ಳಿಯ ಪೇಸ್ಟ್ ಸೇರಿಸಿ.
    ಎಲ್ಲವನ್ನು ಸೇರಿಸಿ ಕಯ್ಯಾಡಿಸಿ.
  • ಇದಕ್ಕೆ ಕಿನ್ವಾ, ಕಾಡಕ್ಕಿ, ಚಿಯಾ, ಅಮರಾಂತ ಧಾನ್ಯವನ್ನು ಸೇರಿಸಿ ಎರಡು ನಿಮಿಷ ಚನ್ನಾಗಿ ಮಿಶ್ರ ಮಾಡಿ.
  • ಧಾನ್ಯವನ್ನು ಅಳತೆ ಮಾಡಿದ ಬಟ್ಟಲಿನಲ್ಲಿ ೧೧ ಬಟ್ಟಲು ನೀರು ಸೇರಿಸಿ, ಎಲ್ಲವನ್ನು ಚನ್ನಾಗಿ ಬೆರೆಸಿ.
  • ಇದಕ್ಕೆ ಚನ್ನಾಗಿ ಹೆಚ್ಚಿಟ್ಟ ಅರ್ಧ ಕಟ್ಟು ಕೊತ್ತಂಬರಿ ಸೊಪ್ಪನ್ನು ಸೇರಿಸಿ.
  • ರುಚಿಗೆ ಬೇಕಾದಷ್ಟು ಉಪ್ಪು ಹಾಕಿ.ಎಲ್ಲವನ್ನೂ ಮತ್ತೊಮ್ಮೆ ಸರಿಯಾಗಿ ಮಿಶ್ರ ಮಾಡಿ ಕುಕ್ಕರ್ ಪ್ಯಾನ್ ನ ಮುಚ್ಚಳ ಮುಚ್ಚಿ.
  • ಮೀಡಿಯಂ ಶಾಖದಲ್ಲಿ ಒಂದು ಸಿಳ್ಳೆ ಬರುವವರೆಗೆ ಮಾತ್ರ ಬೇಯಿಸಿ.
    ಬಿಸಿಯಿದ್ದಾಗಲೇ ತುಪ್ಪ, ಉಪ್ಪಿನಕಾಯಿಯ ಜೊತೆ ಆನಂದಿಸಿ.
     
    (ವಿಸೂ-ಬೇಕಾದಲ್ಲಿ ಈ ಖಾದ್ಯಕ್ಕೆ, ಧಾನ್ಯಗಳ ಜೊತೆಗೇ ಕ್ಯಾರೆಟ್, ಬ್ರಾಕ್ಲಿ, ಹುರುಳಿಕಾಯಿ, ಹಸಿ ಬಟಾಣಿ ಮುಂತಾದ ತರಕಾರಿಗಳನ್ನು ಸಣ್ಣಗೆ ಕತ್ತರಿಸಿ ಸೇರಿಸಬಹುದು)




 
 
 
 
 
Copyright © 2011 Neemgrove Media
All Rights Reserved