ಶ್ರೀಮತಿ ಪೂರ್ಣಿಮಾ ಸತ್ಯ, ಬೆಂಗಳೂರು

• ಈರುಳ್ಳಿಗಳನ್ನು ಹೆಚ್ಚಿಟ್ಟುಕೊಳ್ಳಿ. ಬೆಳ್ಳುಳ್ಳಿಗಳನ್ನು ಬಿಡಿಸಿಟ್ಟುಕೊಳ್ಳಿ. ಹೆಚ್ಚಿದ ಈರುಳ್ಳಿಗಳಲ್ಲಿ ಅರಧವನ್ನು, ಅರ್ಧ ಪಾಲು ಬೆಳ್ಳುಳ್ಳಿ ಜೊತೆ ಒಂದು ಬಾನಲಿಯಲ್ಲಿ ಸ್ವಲ್ಪ ಎಣ್ಣೆ ಹಾಕಿ ಹುರಿದುಕೊಳ್ಳಿ.
• ಹುರಿದ ಈರುಳ್ಳಿ-ಬೆಳ್ಳುಳ್ಳಿ, ಹಸಿ ಈರುಳ್ಳಿ-ಬೆಳ್ಳುಳ್ಳಿ, ಟೊಮ್ಯಾಟೋ, ಹುಳಿಪುಡಿ, ಧನಿಯಾ-ಮೆಣಸಿನಕಾಯಿಪುಡಿ, ಕಾಯಿತುರಿ, ಕೊತ್ತಂಬರಿಸೊಪ್ಪು, ಹುಣಸೆಹಣ್ಣು-ಇವಿಷ್ಟನ್ನೂ ಮಿಕ್ಸಿ ಅಥವಾ ಬ್ಲೆಂಡರ್ ಗೆ ಹಾಕಿ ಸಣ್ಣಗೆ ರುಬ್ಬಿಟ್ಟುಕೊಳ್ಳಿ.
• ಸ್ಟವ್ ಮೇಲೆ ಗಟ್ಟಿ ತಳದ ಪಾತ್ರೆ ಇಟ್ಟು ಅದಕ್ಕೆ ೨ ಟೀ ಸ್ಪೂನ್ ಎಣ್ಣೆ ಹಾಕಿ ಕಾಯಲು ಬಿಡಿ.
• ಎಣ್ಣೆ ಕಾದ ಮೇಲೆ, ಸಾಸಿವೆ, ಕರಿಬೇವು ಒಗ್ಗರಣೆ ಹಾಕಿ ಅದಕ್ಕೆ ರುಬ್ಬಿಟ್ಟುಕೊಂಡಿರುವ ಮಸಾಲೆಯನ್ನು ಹಾಕಿ ಚನ್ನಾಗಿ ಬೇಯಿಸಿ.
• ಮಸಾಲೆ ಚನ್ನಾಗಿ ಬೆಂದ ಮೇಲೆ, ಹಸಿ ತೊಗರಿಕಾಳಿನ ಬಸಿದ ನೀರನ್ನು ಸೇರಿಸಿ ಕುದಿಸಿ, ಇದಕ್ಕೆ ಇನ್ನು ಸ್ವಲ್ಪ ನೀರು ಸೇರಿಸಿ ಸಾರಿನ ಹದಕ್ಕೆ ತಂದು ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ (ಕಾಳು-ಬೀನ್ಸ್ ಅನ್ನು ಬೇಯಿಸುವಾಗಲೂ ಉಪ್ಪು ಹಾಕಿರುತ್ತೀರಿ) ಸಾರು ಹದ ಬರುವವರೆಗೂ ಕುದಿಸಿ.
• ಈ ಸಾರನ್ನು ಮುದ್ದೆ, ಅನ್ನದ ಜೊತೆಯಲ್ಲಿ ತುಪ್ಪ ಬಡಿಸಿಕೊಂಡು ತಿಂದರೆ ಬಹಳ ರುಚಿಯಾಗಿರುತ್ತದೆ.
• ಬಸ್ಸಾರನ್ನು ಪ್ರತಿದಿನವೂ ಸ್ಟವ್ ಮೇಲಿಟ್ಟು ಕುದಿಸುತ್ತಿದ್ದರೆ ೪-೫ ದಿನ ಬಳಸಬಹುದು. ದಿನ ಕಳೆದಂತೆ ಈ ಸಾರಿನ ರುಚಿ ಹೆಚ್ಚುತ್ತದೆ.

• ಬಾಣಲಿಯೊಂದನ್ನು ಸ್ಟವ್ ಮೇಲಿಡಿ. ೨ ಸ್ಪೂನ್ ಎಣ್ಣೆ ಹಾಕಿ, ಸಾಸಿವೆ-ಕರಿಬೇವು-ಒಣ ಮೆಣಸಿನಕಾಯಿ ಒಗ್ಗರಣೆ ಕೊಡಿ (ಹಸಿಮೆಣಸಿನಕಾಯಿಯನ್ನೂ ಬಳಸಬಹುದು. ಆಗ ರುಚಿ ಸ್ವಲ್ಪ ಬೇರೆ ಬರುತ್ತದೆ).
• ಇದಕ್ಕೆ ನೀರು ಬಸಿದು ತೆಗೆದಿಟ್ಟಿರುವ ಕಾಳು-ಬೀನ್ಸ್ ಅನ್ನು ಸೇರಿಸಿ ಮಿಕ್ಸ್ ಮಾಡಿ. ಕಾಳು-ತರಕಾರಿ ಈಗಾಗಲೇ ಬೆಂದಿರುವುದರಿಂದ ಈ ಪಲ್ಯವನ್ನು ಹೆಚ್ಚು ಬೇಯಿಸಬಾರದು. ಇದಕ್ಕೆ ಬೇಕೆನಿಸಿದರೆ ಒಂದು ಸ್ಪೂನ್ ಕಾಯಿ ತುರಿ ಉದುರಿಸಬಹುದು.